بارد

بارد

كلك بقيت بارد
حتى سلام ايديك..بارد

الكلام الى فى عينيك..بقى بردو بارد

اول ما شفتك كان فى كده..حاجه غريبه

زى رعشه فى كل جسمى

حاجه مخيفه !!

لكنها طمنت حته فيا..ضعيفه

زى طفله تايهه

وفجأه لقت امها وابوها ومليون ساعد ..يساعد

لكنك اصبحت بارد

صوتك الى كان نغمه لا يفارق

رعشه كهربيه لإحياء قلب خلاص..

قدامه دقايق

فقد معنى الحياه...

وبالتالى.. اصبحت بارد !!

مش حكايه حب و وداع

اساسا دى قصه مالهاش اى داع

غير ان اعجابى الغير مبرر..تسرع

وبيفهم دايما بعد فوات الاوان

ويقدر دايما بعد الى كان

اسمع يالى انت فى خبر مالهوش الان مكان

ماكانتش لحظه شوق  و احتياج ولا حتى حنان

ده هو كده شعور غريب..

قسى عليا لكنه اتنسى

بعد ما عرفت انك غير صالح للاهتمام

اصل الجماد حتى لو نفضت عنه التراب

بيرجع جميل تانى

اما انت ..فعملت فيك المستحيل ...

من بره ازاز ، ومن جوه فاضى

انت طلعت شويه تراب

انت مثال لاغواء الحياه !!

عامل حواليك دوشه..وانت اساسا سكوت

الى يشوفك يقول ده اصل الحياه..لكن آخرها بردو  موت

ولعلمك فى كل مره هشوفك ..هضعف

اصلى بشر

عرفت الحقيقه آه....لكنى مش حجر

انا كده شوفت كتير..كفايه قوى

على الاقل عرفت ان آخرك كده

ماعندكش غير كده

مش عيب فيك..لكن جواك اصبح جامد

وانت يا آخى...بقيت اوى..بارد !!